Mijoro ho Vavolombelona Manokana

Derek Prince
Published: 2008
Last Updated: November 2026
Read Time: 2
Ny ran'i Jesosy Kristy dia manolotra fanavotana sy famelan-keloka feno ho an'izay rehetra ao Aminy. Ianaro ny fomba fampiharana izany fahamarinana mahery vaika izany amin'ny toe-javatra iainanao manokana, amin'ny alalan'ny fampiasana ny hisopan'ny fijoroana ho vavolombelona ataonao manokana.
"Izy [Kristy] no ananantsika fanavotana amin’ny rany, dia ny famelana ny fahadisoantsika, araka ny haren’ny fahasoavany." (Efesiana 1:7)
Raha mijery ity fanambarana avy amin’ny Tenin’Andriamanitra momba ny ran’i Jesosy ity, dia hasehoko anao ny fomba hampiharana izany amin’ny alàlan’ny hysopa amin’ny fijoroanao ho vavolombelona manokana amin’ny toe-java-misy iainanao ary ilainao.
Ity andininy ity dia milaza amintsika zavatra roa izay ananantsika amin'ny alàlan'ny ran'i Jesosy rehefa ao amin'i Kristy isika. Tsarovy, fa raha ivelan’i Kristy isika, dia tsy misy vokany izany. Nandritra ny Paska voalohany tany Egypta, ny ra dia tsy niaro an’ireo izay tsy tao anatin’ny an-tranony. Izay tao anatin’ny tranon’izy ireo ihany no narovana ny Isiraelita, ary ny ao amin’i Kristy irery ihany koa no ananantsika fanavotana sy famelana amin’ny fahotana.
Fantatro avy ao am-po ny momba an’io andininy io. Raha nijoro ambony ambany teo amin’ny zoron’ny efitrano maizimaizina aho tamin’ny alina maizina, dia afaka nitanisa an’io Soratra Masina io tsy nisy olana na dia kely akory aza. Miaina amin’ity Soratra Masina ity aho. Ataoko eo an-tanako ny hysopako. Minoa ahy, tsy maro ny andro izay tsy ampiasako ny hysopa amin'ny fiainako. Hitako fa mahavita ny asany izy io.
Prayer Response
Misaotra Anao, Jehovah ô, noho ny amin’ny ran’i Jesosy. Ampihariko izany miaraka amin’ny hysopa amin’ny fijoroako ho vavolombelona manokana, fanambarana fa amin’ny al à lan’ny Rany no ananako ny fanavotana sy ny famelan-keloka. Amin’ny alalan’ny ran’i Jesosy, dia voavela ny fahotako rehetra , amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-021-MLG









