Fiakena Tsara

Derek Prince
Published: 2008
Last Updated: November 2026
Read Time: 2
Moa ve ny finoanao mahatonga anao hahatsiaro ho toy ny mpanota fadiranovana izay mandiso fanantenana an'Andriamanitra foana? Angamba tonga ny fotoana hitsaharana amin'ny fifantohana amin'ny fahotanao, ka hanombohana kosa hanambara ny maha-ianao anao ao amin'i Kristy noho ny asa efa vitany teo amin'ny Hazo fijaliana.
Mihevi-tena ho masina tokoa ny olona mpanaraka fombam-pivavahana raha milaza ny maha-mpanota azy. Ny toe-tsaina amin’ny ankapobeny dia ny hoe hirehareha isika raha mitaky ho marina, ho mpanaraka fombam-pivavahana isika raha manohy miresaka momba ny tsy fahombiazantsika, ny fiovaovantsika, ary ny tsy mety vitantsika.
Isaky ny Alahady maraina tao amin’ny fiangonana nahabe ahy, dia tsy maintsy niteny izahay hoe: “Mamelà anay, mpanao ratsy sy ory.” Tsapako foana fa tsy te ho mpanao ratsy sy ory aho, saingy rehefa nijery ireo mpanao ratsy aho, dia niombon-kevitra tokoa aho fa ory izahay rehetra. Tamin’ny farany, dia hoy aho tamin’ny tenako hoe: “Raha ny hany ateraky ny fivavahana rehetra dia ny hahatonga ahy ho ory, dia mety ho mpandika lalàna tsy misy fivavahana aho ary tsy ho antsasa-manilan’ny ory”. Ary lasa tahak’izany aho mandra-pihaonako tamin'ny Tompo.
Ny fitenin'ny fivavahana dia milaza hatrany hoe: “Ory fadiranovana izahay; nanao fahadisoana sy niala tamin’ny lalan’Andriamanitra toy ny ondry very isika; efa nanao izay tsy tokony hataonay izahay ary navelanay tsy vita izay tokony ho nataonay.”
Tsy afaka nilaza ireo teny ireo aho izao; Ho mpihatsaravelatsihy aho. Ahoana no ahafahako mivavaka mba handresena ny ota amin'ny Alatsinainy maraina raha fantatro fa ny Alahady manaraka dia hilaza aho fa nanao fahadisoana sy nania, fa nanao ireo zavatra tsy tokony nataoko aho ary namela ireo zavatra tokony ho nataoko? Hanimba tanteraka ny finoako izany. Tena tsara anefa ilay feon’ilay izy, tena mpivavaka.
Andao isika hampifanaraka ny fiaikentsika amin'ny Tenin'Andriamanitra ary hino izany: Amin’ny alalan’ny ran’i Jesosy, nohamarinina aho, natao ho marina, toy ny hoe tsy nanota mihitsy aho.
Prayer Response
Misaotra Anao, Tompo, noho ny amin'ny ran’i Jesosy. Mampifanaraka ny fiaikeko amin’ny Tenin’Andriamanitra aho ary manambara hoe: Amin’ny alalan’ny ran’i Jesosy, no nanamarinana ahy, natao ho marina, toy ny hoe tsy nanota mihitsy aho, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-035-MLG









