Fanajana ny Rà

Derek Prince
Published: 2008
Last Updated: November 2026
Read Time: 1
Nohamasinina tamin'ny rà sarobidin'ny fanekena isika, fahamarinana ambaran'ny bokin'ny Hebreo amin'ny fomba mahery vaika. Ianaro ny dikan'ny hoe manome voninahitra ity fanomezana masina ity, ary fantaro ny fampitandremana mafy momba ny fanitsakitsahana ny Zanak'Andriamanitra.
Eo am-pijerena ny herin’ny ran'i Jesosy manamasina, dia tiantsika ny handinika andalan-teny iray avy amin'ny Hebreo izay miresaka momba ny mpivadi-pinoana-dia ilay olona mihodina amin'ny finoana Kristiana, rehefa nahafantatra izany, ho amin'ny fandavana sy fanilihana fanahy iniana ny Tompo Jesosy Kristy. Miresaka momba ny amin’ny zava-masina rehetra nolaviny izy io, ary amin’ny heviny hoe mandoto:
"Manao ahoana kosa ary no hamafin’ny fampijaliana ataonareo tokony hihatra amin’izay nanitsaka ny Zanak’Andriamanitra, ka nanao ny ran’ny fanekena izay nanamasinana azy ho zavatra tsy masina sady naniratsira ny Fanahin’ny fahasoavana?"
(Hebreo 10:29)
Mazava tsara ny mahita avy amin’io andininy io fa nohamasinina tamin’ny ran’ny fanekena isika. Fa indro misy olona nohamasinina tamin’ny ran’ny Fanekena Vaovao ka niverina avy eo. Andeha hojerentsika akaiky ny dikan’ny hoe fanitsakitsahana ny ran’i Jesosy. Io fampitahana io dia mifandray amin’ny lanonana amin’ny Paska, izay nametrahana ra teo amin’ny tataom-baravarana sy ny tolam-baravarana, fa tsy teo amin’ny tokonam-baravarana mihitsy. Tsy tokony haneho tsy fanajana ny ran’i Jesosy mihitsy isika.
Prayer Response
Misaotra Anao, Tompo, noho ny amin’ny ran’i Jesosy. Manambara aho fa ny fanajako lalina ny ran’ny fanekena, izay nanamasinana ahy, nohamasinina, natokana ho an’Andriamanitra, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-037-MLG









