Novidina Tanteraka Indray

Derek Prince
Published: 2008
Last Updated: November 2026
Read Time: 2
Ny ran’i Jesosy no nandoa ny vidiny hanavotana anao manontolo, ka namindra anao hiala amin’ny fanjakan’ny maizina ho ao amin’ny fanjakan’Andriamanitra. Tafiditra tao anatin’izany fividianana masina izany ny vatanao, ary tempoly masin’ny Fanahy Masina izy ankehitriny, ka tsy eo ambany lalàn’ny ota sy ny fahafatesana intsony.
Ao amin'ny Romana, dia mamaky momba ny fanjakana roa miaraka amin'ny asa manohitra ny lalàna. Ny lalàn’ny devoly dia ny lalàn’ny ota sy ny fahafatesana; ny lalàn’ny fanjakan’Andriamanitra dia ny lalàn’ny Fanahin’aina ao amin’i Kristy Jesosy.
"Fa ao amin’i Kristy Jesosy ny lalàn’ny Fanahin’aina no nahafaka ahy tamin’ny lalàn’ny fahotana sy ny fahafatesana" (Romana 8:2)
Tsy ao amin'ny faritanin'ny devoly intsony isika, tsy eo ambanin'ny lalàn'ny devoly intsony. Tsy mihatra amintsika ny fanjakany satria amin’ny fanjakana hafa isika. Navadika isika, nentina — fanahy, aina ary vatana. Ary izany fifamindrana izany dia mitranga amin’ny alalan’ny ran’i Jesosy — nohamasinina isika, natokana ho an’Andriamanitra, tamin’ny ran’i Jesosy.
Ankehitriny, andeha hodinihintsika ny fiatraikany eo amin'ny fifandraisan'ny tenan’ny mpino. Afaka milaza aho amin'ny fampiharana niainako fa eto no tena manomboka miasa izany, rehefa mitondra azy any amin'ny faritry ny vatantsika isika. Diniho izao:
"Moa tsy fantatrareo fa ny tenanareo dia tempolin'ny Fanahy Masina, Izay ao anatinareo sady efa azonareo tamin'Andriamanitra? ka tsy tompon'ny tenanareo hianareo. Fa olom-boavidy hianareo, koa dia mankalazà an'Andriamanitra amin'ny tenanareo.” (1 Korintiana 6:19–20)
Ny teny hoe "voavidy tamin'ny sarany" dia mamerina antsika amin'ny lohahevitry ny fanavotana. Novidina tamin’ny tanan’ny devoly tamin’ny ran’i Jesosy isika. Inona avy amintsika no novidina indray ? Ny fanahintsika ihany? Tsia, samy an’Andriamanitra ny fanahintsika sy ny vatantsika satria noefain’i Jesosy ny vidim-panavotana tanteraka tamin’ny Rany.
Prayer Response
Misaotra Anao Tompo, noho ny amin’ny ran’i Jesosy. Manambara aho fa voavidy tanteraka indray tamin’ny fanjakan’ny devoly aho ka nampidirina ho any amin’ny fanjakan’Andriamanitra. An'Andriamanitra ny fanahiko sy ny tenako, satria noefain’i Jesosy ny vidim-panavotana tanteraka tamin'ny Rany sarobidy. Amin’ny alalan’ny ran’i Jesosy, no nanamasinana ahy, nohamasinina, natokana ho an’Andriamanitra, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-039-MLG









