Ny Fanahy Masina Mitoetra Ao Anatiny

Derek Prince
Published: 2008
Last Updated: November 2026
Read Time: 2
Ny Fanahy Masina dia Olona, ary manome famantarana mahery vaika sy mihoatra ny natoraly Izy hanambarana ny fahatongavany ao amin'ny tenan'ny mpino. Fantaro ny antony maha-fanambarana manokana avy Aminy ny fitenenana amin'ny fiteny tsy fantatra fa tempolin'Andriamanitra ianao izao, izay miantso anao ho amin'ny fiainana feno fahamasinana.
Ny zavatra iray tena mampiavaka manokana ny toetra dia niteny.Tamin’ny Pentekosta, rehefa nidina avy tany an-danitra ny Fanahy Masina, dia niteny tamin’ny “fiteny samy hafa” Izy (Asan’ny Apostoly 2:4) tamin’ny alalan’ny mpianatra. Tamin’izany no Nanehoany fa tonga Izy, amin’ny maha-Olona, mba haka ny Fonenany eto an-tany. Izy izao no maharitra, sy solontena manokan'ny maha- Andriamanitra monina eto an-tany.
Hatramin'ny Pentekosta, isaky ny tonga ny Fanahy Masina amin’ny maha-Olona mba Hitoerany ao amin'ny tenan'ny mpino, dia mety ny Hanehoany ny Fanatrehany amin'ny fitenenana avy amin'io mpino io amin'ny fiteny vaovao izay tsy araka ny natiora nomena. Raha ny marina, dia hoy Izy hoe: “Fantatrareo izao fa tonga eto Aho amin’ny maha- Olono mba hitoetra ao amin’ny tenanao.”
Noho izany antony izany, ao amin’ny 1 Korintiana 6:19 , dia hoy i Paoly:
"Moa tsy fantatrareo fa ny tenanareo dia tempolin'ny Fanahy Masina?"
Nohamafisiny fa ny fitenenana amin’ny fiteny tsy fantatra dia tsy zavatra niainana fohy, mihoatra ny natoraly; mihoatra izany, dia famantarana masina izany fa ny Fanahy Masina, amin’ny maha-Olona, dia naka ny Fitoerany tao amin’ny tenan’ny mpino, ka nanao azy ho tempoly masina. Izany fahamarinana izany dia mametraka adidy manetriketrika amin’ny mpino tsirairay mba hihazona ny tenany ao anatin’ny toetry ny fahamasinana mifanaraka amin’ny tempolin’Andriamanitra.
Prayer Response
Misaotra Anao, Tompo, noho ny amin’ny ran’i Jesosy sy ny asan’ny Fanahinao Masina. Manambara aho fa tempolin’ny Fanahy Masina ny tenako, navotana, tamin’ny ran’i Jesosy, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-043-MLG









