Mahafantatra ny Toerana Ady

Derek Prince
Published: 2008
Last Updated: November 2026
Read Time: 2
Afaka manohitra ny fahamarinan’ny Tenin’Andriamanitra sy misakana ny olona tsy handray ny filazantsara ireo fiarovana mafy ao an-tsaina. Ato amin’ity fandinihana ity, i Derek Prince dia mampianatra fa ao an-tsaina no atao ny ady ara-panahy, izay ampiasan’ny mpino ny fiadian’Andriamanitra mba hampanaiky ny hevitra rehetra ho an’i Kristy.
"Fa na dia velona amin’ny nofo aza izahay, dia tsy mba miady araka ny nofo [fa tsy avy amin’ny nofo ny fiadian’ny tafikay] fa mahery amin’Andriamanitra handrava fiarovana mafy,fa mandrava ny fisainana sy ny zavatra avo rehetra izay atsangana hanohitra ny fahalalana an’Andriamanitra izahay ka mamabo ny hevitra rehetra hanaiky an’i Kristy.” (2 Korintiana 10:3–5)
Ny ady ataontsika amin'i Satana dia eo amin'ny sehatra ara-panahy; noho izany dia fiadiana ara-panahy sy mifanentana amin’ny tontolon’ny fitaovam-piadiana.
Zava-dehibe tokoa ny fahatakarantsika hoe aiza no misy ny ady. Nampiasa teny isan-karazany i Paoly ao amin’ny 2 Korintiana mba hiresaka momba ny kianjan’ady sy ny tanjontsika. Amin'ny dikan-teny samihafa dia hitantsika ireto teny ireto:
- Sary an-tsaina
- Fandinihana
- Tombantombana
- Ady hevitra
- Fahalalana
- Eritrereto
Mariho fa ny tsirairay amin'ireo teny ireo dia manondro ny faritry ny saina. Tsy maintsy takarintsika tanteraka fa ao an-tsaintsika ny sehatry ny ady. Manao ady tanteraka i Satana mba hambabo ny sain’ny taranak’olombelona. Manorina fiarovana mafy sy mimanda ao an-tsaintsika izy, ary andraikitsika, amin’ny maha-solontenan’Andriamanitra, antsika ny mampiasa ny fiadiantsika ara-panahy handrava ireo fiarovana mafy ireo, hanafaka ny sain’ny lehilahy sy ny vehivavy, ary avy eo dia mitondra azy ho amin’ny fankatoavana an’i Kristy. Fanendrena manaitra tokoa izany!
I Satana dia minia ary manorina fiarovana mafy manaraka rafitra ao an-tsain'ny olona. Ireo manda ireo dia manohitra ny fahamarinan’ny filazantsara sy ny Tenin’Andriamanitra ary manakana antsika tsy handray ny hafatry ny filazantsara.
Prayer Response
Misaotra Anao, Tompo, noho ny amin'ny ran’i Jesosy. Manambara aho fa amin’ny alalan’ny Rany, no handravako ny fiarovana mafy naorin’i Satana tao an-tsaiko. Lazaiko fa i Satana dia tsy manana toerana ato amiko, tsy manan-kery amiko, tsy misy fitakiana tsy voalamina manohitra ahy. Ny ran'i Jesosy dia efa nandamina ny rehetra!, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-053-MLG









