Milefitra amin'Andriamanitra

Derek Prince
Published: 2008
Last Updated: November 2026
Read Time: 2
Miantso anao Andriamanitra hanolotra ny vatanao ho fitaovam-piadiana ho an’ny fahamarinana amin’ny ady atao amin’ny ota. Manomboka amin’ny fanoloran-tena tanteraka ny sitraponao ho Azy izany, ary miseho amin’ny fomba mahery vaika rehefa atolotrao ho an’ny Fanahy Masina ny lelanao.
Hoy i Paoly hoe:
"Aza avela hanjaka amin'ny tenanareo mety maty ny ota hanarahanareo ny filany, ary aza manolotra ny momba ny tenanareo ho amin'ny ota ho fiadian'ny tsi-fahamarinana; fa atolory ny tenanareo ho an’Andriamanitra toy ny efa maty nefa velona, ary ny momba ny tenanareo ho fiadian’ny fahamarinana ho an’Andriamanitra.” (Romana 6:12–13).
Nafahana izahay. Tsy tokony hifehy ny tanantsika, na ny tongotsika, na ny lelantsika ny ota. Mifanohitra amin’izany, hoy i Paoly, fa tokony hilefitra ny tenantsika ho an’Andriamanitra sy ny momba ny tenantsika ho fitaovan’ny fahamarinana ho an’Andriamanitra isika. Misy fileferana roa eo.
Voalohany, dia milefitra ny sitrapontsika amin'Andriamanitra isika amin'ny filazana hoe: "Tsy ny sitrapoko anie no hatao, fa ny Anao." Ao amin’ny Vavaka Nampianarin’ny Tompo, ny fangatahana faharoa dia izao: “Hatao anie ny Sitraponao etỳ an-tany tahaka ny any an-danitra.” (Matio 6:10). Rehefa mivavaka isika hoe: “Hatao anie ny Sitraponao”, izany dia manomboka amin’ny sitrapon’izay mivavaka — izay maniry ny hanaovana ny sitrapon’Andriamanitra.
Rehefa nilefitra ny sitrapontsika isika, dia milefitra ny rantsam-batanantsika ho an'Andriamanitra ho fitaovan'ny fahamarinana. Amin’ny Grika, ny teny hoe “fitaovana” dia midika ara-bakiteny hoe “fitaovam-piadiana”, izay midika ady ara-panahy. Tsy fitaovana fotsiny ireny, toy ny angady na angadinomby — fa fitaovam-piadiana, toy ny sabatra.
Ny batisan’ny Fanahy Masina no fanalahidy satria amin’izany traikefa izany no ileferantsika voalohany ny sitrapontsika amin’Andriamanitra; dia mampilefitra ny momba ny tena tsy voafehy izay tsy fehezintsika: ny lela. Rehefa atao batisa amin’ny Fanahy Masina isika, dia manatanteraka ny toromarika amin’ny fileferana ny tenantsika ho an’Andriamanitra ho fitaovana (fitaovm-piadian’ny) fahamarinana. Marina tokoa, fa rehefa natolotra an’Andriamanitra ny lela ka noraisin’ny Fanahy Masina, dia lasa fitaovam-piadiana izany: amin’ny fivavahana, amin’ny fijoroana ho vavolombelona, ary amin’ny fitoriana.
Prayer Response
Misaotra Anao, Jesosy ô , noho ny amin’ny Fandresenao teo amin’ny hazo fijaliana. Mampilefitra ny tenako sy ny sitrapoko ho an’Andriamanitra aho, manambara fa ny momba ny tenako, ny ratsam-batako, dia fitaovan’ny fahamarinana, milefitra ho an’Andriamanitra ho amin’ny Andraikiny sy ho Voninahiny, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-066-MLG









