Ny Sorona Velona

Derek Prince
Published: 2008
Last Updated: November 2026
Read Time: 2
Mamporisika antsika ny Baiboly mba hanolotra ny tenantsika ho fanatitra velona, nefa manao ahoana marina moa izany fanompoam-pivavahana izany? Tahaka ny hanamasinan'ny alitara ny fanatitra, ny fametrahana ny fiainantsika manontolo eo am-pelatanan'Andriamanitra no mahatonga antsika ho masina sy ankasitrahany.
"Koa amin’izany mangataka aminareo aho, ry rahalahy, noho ny famindrampon’Andriamanitra, mba hatolotrareo ny tenanareo ho fanatitra velona, masina, sitrak’Andriamanitra, dia fanompoam-panahy mety hataonareo izany." (Romana 12:1).
Ao amin'ny toko voalohan'ny Romana, dia miatrika teolojia goavana isika. Manomboka amin’ny tenantsika ny fampiharana: tokony hanolotra ny tenantsika ho an’Andriamanitra ho sorona velona isika.
Mety hieritreritra isika hoe, Tsy dia manan-danja loatra ny tena; tena ny fanahy no zava-dehibe. Andeha anefa isika hampihatra fanoharana azo ampiharina: Raha nangataka rano iray vera aho, dia ho azoko ilay mitondra azy sy ny ao anatiny. Tsy azoko ny rano raha tsy nisy ny vera. Izany no lazain’Andriamanitra. Ilainy ny fanaka, ny vatana — ary ny ao anatiny, ny fanahy. Tsy afaka manome ny atiny isika raha tsy misy ny mitondra azy.
Inona no dikan'ny hoe manao ny tenantsika ho “fanatitra… velona”? Ny sorona tao amin’ny Testamenta Taloha dia biby novonoina, avy eo napetraka teo amin’ny alitara. Hoy Andriamanitra: “Tiako ny tenanao ho tanteraka tahaka ny sorona natao ao amain’ny Testamenta Taloha, nefa misy ny maha- samy hafa azy iray. Tsy tiako ho faty ny tenanao fa ho velona. Rehefa manana ny tenanao aho, dia manana anao koa.”
Ao amin'ny Matio 23, Jesosy dia niresaka tamin'ny Fariseo, ary nanazava izay tena zava-dehibe eo amin'ny fanompoany an'Andriamanitra. Nilaza izy ireo fa zava-dehibe kokoa noho ny alitara ny fanatitra. Hoy Jesosy:
"Ry jamba! Iza no lehibe, ny fanatitra, sa ny alitara izay mahamasina ny fanatitra?" (Matio 23:19)
Ny alitara no manamasina ny fanatitra apetraka eo amboniny. Ny fanatitra dia natao ho masina amin’ny fametrahana azy eo amin’ny alitaran’Andriamanitra. Toy izany koa ny tenantsika. Rehefa mametraka ny tenantsika eo amin’ny alitaran’Andriamanitra isika, dia lasa masina izy ireo. Nohamasinina izy ireo, natokana ho an’Andriamanitra. Fihetsika tokony hataontsika tsirairay izany.
Prayer Response
Misaotra Anao, Tompo ô, noho ny amin’ny Fanomezanao ny tenako. Izaho manolotra ny tenako ho an'Andriamanitra ho fanatitra velona, ary manambara aho fa ny tenako dia ho an'ny Tompo, ary ny Tompo dia ho an'ny tenako, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-082-MLG









