Fanasitranana ho an’ny Vatana

Derek Prince
Published: 2008
Last Updated: November 2026
Read Time: 2
Ambaran'ny Baiboly fa tamin'ny nahafatesan'i Jesosy teo amin'ny hazo fijaliana, dia nitondra ny fahotantsika sy ny aretintsika tao amin'ny vatany Izy. Midika izany fa ny fanasitranana dia tsy zavatra mbola angatahina, fa asa efa vita izay efa nomena mba horaisinao.
Lazain'ny Soratra Masina fa i Jesosy dia “Ary Izy nitondra ny fahotantsika tamin’ny tenany teo ambonin’ny hazo, mba ho faty ny amin’ny ota isika, fa ho velona ny amin’ny fahamarinana; ary “ny dian-kapoka taminy no nahasitranana anareo.” (1 Petera 2:24).
Teo amin'ny hazo fijaliana, Jesosy dia nitondra ny fahotantsika tao amin'ny Tenany manokana, izay tonga fanatitra noho ny ota. Noraisiny teo amin’ny Tenany teo amin’ny hazo fijaliana ny ozona izay mendrika antsika ho Azy mba hanafahana antsika amin’ny ota. Hoy koa ny Soratra Masina: “Izy naka ny rofintsika sy nitondra ny aretintsika.” (Matio 8:17) tao amin’ny Tenany ihany, mba Hahasitranany antsika amin’ny dian-kapoka Taminy (Jereo ny 1 Petera 2:24). Raha ny momba an’Andriamanitra dia efa tanteraka, ny fanafahana antsika amin’ny ota. Raha ny momba an’Andriamanitra dia efa tanteraka, dia efa vita izany.
Mahaliana ny manamarika fa ny Testamenta Vaovao dia tsy mametraka fanasitranana amin'ny ho avy, fa amin'ny lasa. Sitrana isika hatramin’ny nahafatesan’i Jesosy, “ny dian-kapoka no nahasitrana anao” (nampiana fanamafisana). Efa nomena ny fanasitranana. Manontany ahy indraindray ny Kristiana hoe: “Ahoana no hahafantarako raha sitrapon’Andriamanitra ny hahasitrana ahy?” Matetika aho no mamaly hoe: “Raha Kristiana manolo-tena ianao, navotana tamin’ny ran’i Jesosy, dia heveriko fa diso ny fanontanianao. Ny fanontaniana dia tsy hoe: 'Ahoana no hahafantarako raha sitrapon'Andriamanitra ny hahasitrana ahy?' Fa ny fanontaniana dia ‘Ahoana bo ahazoako ny fanasitranana izay efa nomen’Andriamanitra ahy’’’ Ny fikasan’Andriamanitra dia ny hiaro antsika manontolo: fanahy , aina, ary vatana, araka ny nolazain’i Paoly hoe:
“Ary Andriamanitry ny fiadanana anie hahamasina anareo samy ho tanteraka [hanamasina anareo tanteraka]; ka aoka harovana avokoa ny fanahinareo sy ny ainareo ary ny tenanareo ho tanteraka ka tsy hanan-tsiny amin'ny fihavian'i Jesosy Kristy Tompontsika.”(1 Tesaloniana 5:23).
Prayer Response
Misaotra Anao, Tompo ô, noho ny amin’ny Fanomezanao ny tenako. Manambara aho fa tamin’ny nahafatesan’i Jesosy teo amin’ny hazo fijaliana, dia voavela heloka ary sitrana aho, ary ny fikasan’Andriamanitra dia ny hiaro ahy manontolo — fanahy, aina, ary vatana. Ny tenako dia ho an'ny Tompo, ary ny Tompo dia ho an'ny tenako, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-084-MLG









