Mampifaly ny Ray

Derek Prince
Published: 2008
Last Updated: November 2026
Read Time: 2
Ny faniriana mafy hahazo fahombiazana ho an'ny tena manokana dia mety ho olana miely patrana eo amin'ny mpanompon'Andriamanitra, izay mitarika ho amin'ny fifaninanana fa tsy firindrana. Mahazoa fahafahana amin'izany fandrika izany amin'ny alalan'ny fahitana ilay antony manosika mamy sy madio kokoa, dia ny fampifaliana an'Andriamanitra Raintsika fotsiny.
Ao amin’ny Filipiana 2:3, dia nampitandrina antsika mpanompon’ny Tompo i Paoly hoe:
“Tsy manao na inona na inona amin'ny fifampiandaniana, na mandrani-tena foana;.”
Nandritra ny taona maro, dia nahatsikaritra aho fa ny olana iray maharitra sy miely patrana ao amin'ny fiangonana dia ny faniriana manokana sy ny fifaninanana eo amin'ny samy mpitarika, indrindra ny asa fanompoana. Fandrao dia mitsaratsara aho, avelao aho hanampy voalohany indrindra teo amin'ny fiainako manokana no nahatsikaritra izany aho.
Matetika isika no manao fahadisoana amin'ny fiheverana fa mitovy ny fiarovana miaraka amin’ny fahombiazana. Mihevitra isika, fa raha manangana fiangonana lehibe indrindra aho na manao fivoriana lehibe indrindra na manangona anarana betsaka indrindra ao amin'ny lisitry ny mailako, dia ho voaaro aho. Fa fitaka io. Raha ny marina, arakaraka ny hiezahantsika hahomby, no vao mainka mihena ny fiarovana antsika. Manahy hatrany isika noho ny mety hisian'ny olon-kafa hanorina fiangonana lehibe kokoa na hanao fivoriana lehibe kokoa na hanangona anarana bebe kokoa ao amin'ny lisitry ny mailakany.
Raha ny amiko, dia nahita ny modely tonga lafatra ho ahy aho tao amin’i Jesosy izay nilaza hoe:
" T sy nandao Ahy ho irery Izy, satria Izaho manao izay sitrany mandrakariva" (Jaona 8:29)
Tsy entanin'ny fifampiandaniana manokana intsony aho. Nahafantatra antony mamy , madio kokoa aho: ny hampifaly ny Raiko fotsiny.
Miofana ny hanao bango tokana ny toe-javatra rehetra sy ny fanapahan-kevitra rehetra aho amin’ny fanontaniana tokana, sy tsotra dia ny hoe: Ahoana no hampifaliako ny Raiko?
Amin’ny fotoanan’ny fahasorenana na ny tsy fahombiazana hita miharihary, dia mikatsaka ny fifantohako aho amin’ny fiezahana hamaha ilay olana mba hihazonana toe-tsaina izay ankasitrahan’ny Raiko. Amin’ny maha-mpanompon’i Kristy antsika, dia tokony tsy hisy fifaninanana ho eo amintsika, raha ny faniriana tsotra dia any mba hampifaly ny Raintsika no manosika antsika. Ny firindrana sy ny fifanampiana no misolo ny toeran’ny fiezahana sy ny fitadiavana ny tombon-tsoany manokana.
Prayer Response
Misaotra Anao, Jesosy ô, fa nanavotra ahy Ianao. Manambara aho fa ny hahafaly ny Raiko no anton’ny fiainako—satria zanak’Andriamanitra aho, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-167-MLG









