Fiainana ao amin'ny Zanaka

Derek Prince
Published: 2008
Last Updated: November 2026
Read Time: 2
Milaza ny Baiboly fa raha manana ny Zanaka ianao, dia manana fiainana, dia fanomezana izay ahafahanao mijoro eo anatrehan'Andriamanitra tsy amim-pahatahorana. Ity fiainana mandrakizay ity dia tsy zavatra mbola andrasana, fa zava-misy iainana ankehitriny ho an'izay rehetra mametraka ny finoany amin'i Jesosy Kristy.
Amin’ny fametrahana ny finoantsika amin’ilay sorona nahafatesan’i Jesosy Kristy, amin’ny famelana Azy hivesatra ny helokantsika, ary amin’ny fandraisantsika, amin’ny finoana, ny Fahamarinany, izay natao ho antsika, dia hohamarinina isika. Ao anatin’izany fahamarinana izany dia afaka miatrika an’Andriamanitra sy ny fahafatesana ary ny mandrakizay tsy misy horohoro aho, tsy misy tahotra.
Nanoratra ny apostoly Jaona ao amin’ny epistiliny voalohany hoe:
"Ary izao no fanambarany: Fiainana mandrakizay no omen’Andriamanitra antsika, ary ao amin’ny Zanany izany fiainana izany. Izay manana ny Zanaka no manana ny fiainana; izay tsy manana ny Zanak’Andriamanitra no tsy manana ny fiainana. Izany no nosoratako aminareo, izay mino ny anaran’ny Zanak’Andriamanitra, mba ho fantatrareo fa manana fiainana mandrakizay hianareo." (1 Jaona 5:11–13)
Andriamanitra dia nanome fijoroana vavolombelona ho an’ny taranak’olombelona manontolo fa efa Natolony ho antsika ny fiainana mandrakizay. Izany fiainana izany dia ao amin’ny tenan’i Jesosy Kristy, Zanany. Raha mandray an’i Jesosy Kristy isika, dia ao Aminy no nahazoantsika ny fiainana mandrakizay.
Mariho, fa izao no voalaza amin’izao fotoana izao: “Izay manana ny Zanaka no manana ny fiainana”. Tsy zavatra hitranga aorian’ny fahafatesana izany. Izany dia zavatra mitranga ankehitriny, amin'izao tontolo izao. Raha miandry aorian’ny fahafatesana ianao vao hanaiky ny Fiainany, dia efa niandry ela loatra ianao; ho tara loatra. Aravony izao io olana io! Izay manana ny Zanaka no manana ny fiainana. Ataovy azo antoka fa hanana fiainana koa ianao!
Prayer Response
Misaotra Anao, Jesosy ô, noho ny sorona Nataonao. Manambara aho fa manana ny fiainana ankehitriny, satria manana ny Zanaka aho. Manambara aho fa tamin'ny alalan’ny finoana no nanamarinana ahy, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-180-MLG









