Miray amin'Andriamanitra

Derek Prince
Published: 2008
Last Updated: November 2026
Read Time: 2
Inona no maha-samihafa ny fanahinao sy ny ainao, ary nahoana izany no zava-dehibe amin'ny fifandraisanao amin'ny Tompo? Fantaro ny fomba hahatongavan'ny fanahinao ho tena jiron'Andriamanitra manazava ny maha-ianao anao any anatiny indrindra, rehefa nateraka indray sy feno ny Fanahy Masina izy.
Zava-dehibe tokoa ny mahatakatra ny fanavahana ny fanahin'olombelona sy ny aina. Tsy ny aina no miray amin’Andriamanitra, fa ny fanahy— satria ny fanahy dia noforonina ho firaisana amin’Andriamanitra; tsy afaka miaina, tsy ao anatin’ny firaisana amin’Andriamanitra,
tokoa izy io. Vokatry ny fahaterahana indray, dia afaka miray amin’Andriamanitra ny fanahin’ny mpino nateraka indray.
Andeha isika hijery famaritana tsotra telo momba ny fitodiky ny fanahy, sy aina, ary ny vatana. Ny fanahy dia fahatsiarovana an'Andriamanitra. Ny aina dia fahatsiarovan-tena. Ny vatana dia fahatsiaroana an’izao tontolo izao.
Amin'ny alalan'ny fanahintsika no ahafantarantsika an'Andriamanitra. Ao amin'ny aintsika, dia mahatsiaro tena isika. Ary amin'ny alalan'ny vatantsika sy ny sainy, no ifandraisantsika amin'ny tontolo manodidina antsika. Rehefa tafakambana amin'Andriamanitra indray ny fanahin'ny olona, dia lasa jiro mirehitra indray ny fanahy. Feno ny Fanahy Masina izy io, ka manazava ny toetra ao anatin’ny olona izay maizina sy tafasaraka amin’Andriamanitra hatramin’izay fotoana izay. Tokony hotadidintsika fa tamin’ny fotoana nanoratana ny Baiboly, dia menaka oliva no solika nampiasaina ho an’ny jiro, ary tandindon’ny Fanahy Masina foana ny menaka oliva.
"Jiron'i Jehovah ny fanahin'ny olona, Itsilovana ny efitrefitra rehetra ao am-po." (Ohabolana 20:27)
Rehefa averina ho tafaray amin'Andriamanitra ny fanahin'ny olona ka tonga ny Fanahy Masina mameno izany jiro izany, dia hazava ny jiro ao anatin'ny olona, izany hoe—ny fanahiny, ka manazava, ny ao anatiny manontolo. Tsy ao anaty haizina intsony izy.
Prayer Response
Misaotra Anao, Tompo ô, fa nampiray ahy Ianao. Manambara aho fa ao amin’ny fiombonana amin’ny Tompo, amin’ny alalan’ny fahazavan’ny Fanahy Masina, dia tsy ao anatin’ny haizina intsony aho. Manambara aho fa miray amin’Andriamanitra aho ary tonga iray ao amin’ny fanahy miaraka Aminy, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-183-MLG









