Mila Antsika ny Tsirairay

Derek Prince
Published: 2008
Last Updated: November 2026
Read Time: 2
Tsy natao hijoro irery ny Kristiana. Ny Soratra Masina dia mampiseho ny fiangonana ho tenan'i Kristy, izay ilàn'ny rantsambatana tsirairay ny hafa. Ny ady am-panahy dia mitaky hetsika voafehy sy miray hina eo ambany fahefan'ny Baiboly, fa tsy mpino mitokana mikatsaka tanjona manokana.
Ao amin’ny Efesiana 1:22–23, dia nanome ny sarintsarin’ny vahoakan’Andriamanitra eto an-tany i Paoly. Hoy izy:
“Ny fiangonana… no Izay tenany [Kristy].”
I Paoly dia namelabelatra io foto-kevitra io ao amin’ny 1 Korintiana, manao hoe, “Ary hianareo no tenan'i Kristy, ka samy momba ny tenany avokoa araka ny anjaranareo avy.” (1 Korintiana 12:27). Nampiasa ohatra isan-karazany avy amin’ny vatana azo tsapain-tànana izy mba hanamafisana ny zava-misy,fa amin’ny maha-Kristiana antsika, dia mifampiankina avokoa isika rehetra; samy mila antsika rehetra ny tsirairay.
Ny sary feno sy manan-kery indrindra momba ny fiangonana amin'ny maha tenan'i Kristy dia omena ao amin'ny Efesiana. Tena zava-dehibe, noho izany, fa nandritra ity epistily ity, i Paoly dia niresaka tsy tapaka momba ny Kristiana amin’ny endriny maro. Saika tsy nanana na inona na inona holazaina na momba ny Kristiana tsirairay izy (jereo ny Efesiana 1:3–12). Ny famakiana amim-pitandremana ny sisa amin’ny Efesiana dia hanamafy fa izany no hafatry ny boky hatramin’ny voalohany ka hatramin’ny farany. Tsy misy fampanantenana sy vavaka ho an'ny tsirairay. Ao amin’ireo andininy enina farany ihany no misy maningana fohy iray: namarana i Paoly tamin’ny fangatahana vavaka manokana ho an’ny tenany.
Io fifantohana amin'ny vatan'i Kristy io dia tonga amin'ny fara tampony ao amin'ny Efesiana 6:10–18, izay noresahin'i Paoly momba ny adintsika ara-panahy. Ao amin’ny andininy faha-12, ny fanalahidin’ny teny rehetra dia amin’ny endriny milaza maro — na ireo izay manondro ny vahoakan’Andriamanitra ary ireo izay milaza ny hery manohitra: mitolona amin’ny fanapahana, ny hery, ny mpanapaka, ary ny tafika.
Aseho araka izany, ny ady ara-panahy dia tsy fifandonana eo amin'ny tsirairay , fa ady goavana eo amin'ny tafika mifanandrina. Tsy misy toerana eto ho an'ny "miaramila tokana" manenjika ny tanjony manokana. Ny fandresena dia mitaky hetsika voafehy sy mirindra ataon’ny vahoakan’Andriamanitra, miara-miasa amin’ny maha-mpikambana ao amin’ny vatana iray. Mitaky fifehezana sy fahavononana hanaiky ny fahefan’ny Soratra Masina izany.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-198-MLG









