Inona no Atao hoe Fahamasinana?

Derek Prince
Published: 2008
Last Updated: November 2026
Read Time: 2
Maro ny olona no mihevitra fa ny fahamasinana dia lisitry ny fitsipika fotsiny ihany, saingy fahadisoan-kevitra lalina izany fomba fijery mahazatra izany. Ny tena fahamasinana dia tsy miankina amin’izay zavatra fadinao, fa hery mahery vaika sy tsara avy amin’Andriamanitra izay mampamirapiratra ny fahazavany amin’ny alalan’ny asa tsara ataonao.
Misy tsy fahatakarana goavana momba ny fahamasinana. Kristiana maro no miezaka manatratra ny fahamasinana amin’ny fifadiana zavatra. Mihevitra izy ireo, fa raha tsy manao izao na izao aho, dia masina aho. Tsy misy ifandraisany amin’ny maha-masina anefa izany. Misy zavatra tsy azonao atao raha masina ianao, fa ny milaza fa ny fahamasinana dia midika hoe manapaka ny isan'ny zavatra idiranao dia tsy mety. Tsy ratsy ny fahamasinana. Nanoratra toy izao i Paoly ao amin’ny Kolosiana 2:20:
"Ary raha niara-maty tamin'i Kristy hianareo ka efa afaka tamin'ny abidim-pianaran'izao tontolo izao, nahoana no toa mbola velona amin'izao tontolo izao ihany hianareo ka mety hodidiana …?
Izany no fiheveran’ny ankamaroan’ny olona ny fahamasinana — manaiky fitsipika. Nanohy nanome lisitr'ireo fitsipikin’ny tena ny tsirairay arahin'ny sasany amin'ny fiezahana hahatratra ny fahamasinana i Paoly:
“Aza mandray, aza manandrana, aza manendry - levona amin'ny fanaovana ihany izany rehetra izany ; araka ny didy sy ny fampianaran'olona?...Izany rehetra izany dia ankalazaina ho fahendrena amin'ny fivavahana haitraitra sy ny fanetren-tena ary ny fampahoriana ny tena, nefa tsy manan-kery akory hahasakana ny fampanaranana ny nofo.” (andininy 21–23)
Raha lazaina amin'ny teny hafa, ny fifadiana zavatra sasany dia tsy mahamasina anao; tsy fahamasinan’Andriamanitra izany. Ao amin’ny Matio 5:16, Jesosy dia nanazava ny fifandraisan’ny fahamasinana sy ny asantsika:
"Aoka hazava eo imason'ny olona toy izany koa ny fahazavanareo, mba hahitany ny asa soa ataonareo ka hankalazany ny Rainareo Izay any an-danitra."
Ny hoe mamela ny “fahazavanao… hamirapiratra” dia midika hoe manao asa tsara mba hahafahan’ny olona hafa hahita an’Andriamanitra. Tsy midika akory izany hoe mitandrina fitsipika ratsy. Hery tsara sy mahery izy io. Raha ny marina, mino aho fa ny fahamasinana no hery mahery indrindra miasa eo amin’izao rehetra izao. Ny fialana amin'ny fomba fiainana ratsy ary miantso izany hoe "fahamasinana" dia famitahan-tena. Tsy izany no tian’Andriamanitra ho lazaina ny amin’ny hoe fahamasinana.
Prayer Response
Misaotra Anao, Tompo ô, fa niantso ahy Ianao. Manambara aho fa "aoka hamirapiratra ny fahazavako” ho hery mahery indrindra, satria masina aho, amin’ny anaran’i Jesosy Kristy, Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-204-MLG









