Ny Toeran’ny Fahamatorana

Derek Prince
Published: 2008
Last Updated: November 2026
Read Time: 2
Ny fikasan’Andriamanitra dia ny hifindranao avy amin’ny maha-zaza ara-panahy ho amin’ny maha-zanaka matotra, nefa maro ny mpino no tsy mahavita izany fiovana izany. Fantaro ny antony maha-fanalahidy tokana ny fitarihan’ny Fanahy Masina lalandava mba hanokafana ny fahefana sy ny andraikitra fikasan’Andriamanitra ho an’ny fiainanao.
Tsy fikasan'Andriamanitra ny hijanonantsika mandrakizay ho toy ny zaza. Manana drafitra ho antsika Andriamanitra mba hihalehibe ho zanaka lahy matotra. Fa eto indray no iankinantsika amin’ny Fanahy Masina. Raha tsy misy ny Fanahy Masina, dia tsy afaka mihalehibe, isika tsy afaka ny ho matotra. Hoy i Paoly ao amin’ny Romana 8:14:
"Fa izay tarihin’ny Fanahin’Andriamanitra no zanak’Andriamanitra."
Ny teny hoe “zanaka lahy”, ao amin’io andininy io, dia tsy mitovy amin’ny teny hoe “zaza” ao amin’ny andalan-teny hafa. Midika izany hoe zanaka lahy matotra — tompon’andraikitra, mifehy ny fiainany, mahay mitondra tena, ary manana fahefana.
Ahoana no hahatongavantsika amin'izany toerana fahamatorana izany? Hoy i Paoly, “Izay rehetra tarihin’ny Fanahin’Andriamanitra no zanak’Andriamanitra.” Izany no asa fanompoan’ny Fanahy faharoa lehibe eo amin’ny fiainantsika amin’ny maha-mpikambana ao amin’ny fianakavian’Andriamanitra antsika: ho matotra isika. Fa dingana iray ihany no ahatongavan’izany: ny fitarihan'ny Fanahin'Andriamanitra. Tsy misy fomba hafa hahatratrarana ny fahamatorana. Ary ny "tarihina" dia hetsika mitohy. Tarihin’ny Fanahin’Andriamanitra —tsy tapaka isika isan’andro, isan’ora — amin’ny toe-javatra rehetra. Izany no hany fomba ahafahantsika miaina amin’ny maha-zanak’Andriamanitra matotra antsika.
Ny zava-doza ao amin'ny fiangonana amin'izao fotoana izao dia olona tsy tambo isaina izay nateraka indray tamin'ny Fanahin'Andriamanitra no tsy nianatra ny hotarihin'ny Fanahin'Andriamanitra. Vokatr'izany, dia tsy mahatratra ny fahamatorana velively izy ireo. Mbola zaza ara-panahy foana izy ireo, amin’ny lafiny sasany. Izany vokatra izany dia tsy noho ny tsy fisian'ny famatsiana ho an'ny fahamatorana, fa noho ny tsy fahafantaran'izy ireo ny fomba hampiasana izany famatsiana izany. Ilay famatsiana dia ny hoe hotarihin’ny Fanahy Masina.
Prayer Response
Misaotra Anao, Tompo, fa nifidy ahy tamim-pitiavana Ianao. Manambara aho fa handroso ho amin'ny fahamatorana amin'ny alalan'ny fitarihan'ny Fanahin'Andriamanitra. Natsangana ho zanak'Andriamanitra aho. Amena.

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-216-MLG









