Manatanteraka ny Sitrapon'Andriamanitra

Derek Prince
Published: 2008
Last Updated: October 2026
Read Time: 2
Ny fisaorana amin’ny toe-javatra rehetra dia sitrapon’Andriamanitra ho an’ny mpino ao amin’i Kristy. Ny fo feno fankasitrahana dia maneho ny asan’ny Fanahy Masina ary manohana ny fiainana feno fiadanana sy fiankinana amin’Andriamanitra.
Ny fahafenoan’ny fisaorana dia fomba iray hanehoana ny fiadanan'i Kristy izay manapaka ao am-pontsika, fanehoana ny Tenin'i Kristy mitoetra be dia be ao anatintsika. Ny fisaorana dia fitsipika iray izay tokony hitarika izay rehetra ataontsika (jereo ny Kolosiana 3:15–17). Andeha isika hijery andininy telo fohy nefa tsy latsa-danja, manomboka amin’ny 1 Tesaloniana 5:16–18:
“Mifalia mandrakariva. Mivavaha, ka aza mitsahatra. Misaora amin'ny zavatra rehetra; fa izany no sitrapon'Andriamanitra ao amin'ny Kristy Jesosy ho anareo.”
Misy toromarika tsotra telo ao amin'ireo andininy ireo: Mifalia mandrakariva, mivavaha ka aza mitsahatra, ary misaora amin'ny zavatra rehetra. Hoy i Paoly momba ny fisaorana amin’ny zavatra rehetra,“Izao no sitrapon’Andriamanitra ao amin’i Kristy Jesosy ho anareo.” Rehefa tsy misaotra isika, dia tsy manatanteraka ny sitrapon’Andriamanitra. Raha lazaina amin’ny teny hafa, dia ivelan’ny sitrapon’Andriamanitra isika. Izay zava-dehibe ny mahatakatra izany!
Ny zavatra faharoa tiako holazaina momba ny fahafenoan’ny fisaorana, na ny fanomezana fisaorana, dia fanehoana tena ilaina ny fahafenoan’ny Fanahy izany. Nanoratra i Paoly hoe, “Aza mamono ny Fanahy” (andininy 19). Izao no nolazainy tamin’ny Efesiana:
“Ary noho izany dia aza manao adaladala, fa aoka ho fantatrareo izay sitrapon’ny Tompo. Ary aza ho mamon-divay hianareo, fa amin’izany dia misy fanaranam-po amin’ny ratsy, fa aoka hofenoina ny Fanahy, [Masina].” (Efesiana 5:17–18)
Nomen'i Paoly antsika ny lafiny ratsy, arahin'ny lafy tsara, fijerena ny sitrapon'ny Tompo. Raha tsy azontsika ireo fahamarinana momba ny sitrapon’Andriamanitra ireo dia adala isika. Mitovy avokoa ny fananarana tsirairay. Diso ny Kristiana raha mamon-divay, fa tsy mety koa raha tsy feno ny Fanahy Masina ny Kristiana. Indraindray, amin’ny olona maha ara-pivavahana, dia mifantoka be amin’ny lafy ratsy isika — tsy mameno ny tenantsika amin’ny divay ka ho mamo — hany ka manadino ny momban’ny lafiny tsara — ny hoe feno ny Fanahy Masina. Mila feno ny Fanahy isika.
Prayer Response
Ny zavatra faharoa tiako holazaina momba ny fahafenoan’ny fisaorana, na ny fanomezana fisaorana, dia fanehoana tena ilaina ny fahafenoan’ny Fanahy izany. Nanoratra i Paoly hoe, “Aza mamono ny Fanahy” (andininy 19). Izao no nolazainy tamin’ny Efesiana:

Misintona Maimaimpoana
Ity fampaherezam-panahy ity dia azo alaina ho sintonina, atao pirinty ary zaraina ho an'ny fampiasana manokana na am-piangonana.
Misintona PDFTeny Miafina: WD-B097-350-MLG









