Fiainana Be dia Be sy Mandrakizay

Derek Prince

Published: 2008

Last Updated: листопад 2026 р.

Read Time: 2

Основи віри

This teaching is not currently available in Українська.

Amin'ny maha Mpiandry Tsara antsika Azy, Jesosy dia manolotra fiainana feno fiarovana tanteraka sy fiainana tondraka ho an'ireo izay manaraka Azy amin'ny fony manontolo. Jereo ny dikan'ny hoe mandray ny fiainana mandrakizay izay omeny, fiainana izay tsy hahavery antsika na oviana na oviana ary tsy misy olona afaka handrombaka antsika hiala eo an-tanany.

Nantsoin’i Jesosy hoe “Mpiandry Tsara” ny Tenany ( Jaona 10:11, 14 ). Ny fanomezan’ny mpiandry ondry, araka ny asehon’ny Salamo faha-23, dia afaka fintinina amin’ny fehezanteny iray lehibe: fiarovana tanteraka. Tsarovy anefa fa ny fanomezana rehetra dia refesina amin’ny fanoloran-tenantsika. Rehefa feno ny fanoloran-tenantsika, dia tanteraka ny fiarovana antsika. Raha misy fetra ny fanoloran-tenantsika, dia tsy mahazo ny fiarovana tanteraka atolotr’i Jesosy isika.

Azontsika atao ny manamafy io fanoharana ao amin'ny Testamenta Taloha io amin'ny fijerena ny tenin'i Jesosy ao amin'ny Testamenta Vaovao:

“Ny mpangalatra tsy avy raha tsy hangalatra sy hamono ary handringana; Izaho avy mba hananany fiainana, sady hananany be dia be.” (Jaona 10:10)

I Jesosy dia nilaza tamintsika ny antony Nahatongavany teto an-tany. Nofintininy tamin’ny fehezanteny tsotra izany: “mba hananatsika fiainana”. Tsy ny fiainana amin’ny fomba kely na voafetra, fa ny fiainana “be dia be”. Ny fiainana tondraka. Fiainana ho an'ny faritra rehetra misy antsika. Mihoatra noho ny ampy ny fiainana ho an'ny mahomby rehetra sy ny fanerena rehetra manohitra antsika.

Avy eo, lavidavitra kokoa, Jesosy dia nampiasa ilay andian-teny hoe "fiainana mandrakizay":

“Ny ondriko mihaino ny feoko, ary Izaho mahalala azy, ary izy manaraka Ahy, ary Izaho manome azy fiainana mandrakizay, ka tsy ho very izy mandrakizay, ary tsy hisy handrombaka azy amin'ny tànako.” (Jaona 10:27–28)

Mariho ireo andian-teny fototra manao hoe: “Izaho manome azy fiainana mandrakizay, ka tsy ho very mandrakizay izy.” Amin’ity andalan-teny ity, dia hitantsika fa tonga Jesosy mba hananantsika fiainana mandrakizay, dia fiainana mihoatra an’izao tontolo izao. Fiainana mihoatra ny fasana. Fiainana maharitra mandrakizay. Indray mandeha aho dia nandre olona nanao izao fanamarihana feno hevitra izao: “Mino aho fa ho velona aho raha mbola velona koa Andriamanitra satria Andriamanitra no efa tonga fiainako.” Izany no karazana fiainana natolotr’i Jesosy ho antsika. Ny Fiainany—mandrakizay.

Prayer Response

Misaotra Anao,Jesosy ô, noho ny Asanao teo amin’ny hazo fijaliana. Noho ny Fahafatesanao, no ananako ny fiainana be dia be mandrakizay, satria Jesosy maty ny amin’ny fahafatesako mba hahazoako ny Fiainany, amin’ny anaran’i Jesosy Kristy, Amena.