Sanannun alamomin La'ana

Na tattara jerin sanannun alamomin la’ana guda bakwai. Yawancin la'anoni ba sa shafar mutum ɗaya kaɗai; maimakon haka, galibi suna shafar iyali ko manyan al'ummomi. Muhimmnan yanayin la'ana da albarka a bayyane suke a cikin Littafi Mai Tsarki wato, su na bi daga tsara zuwa tsara muddin dai ba a yi wani abu da zai katse su ba. Na haɗu da mutanen da matsalolinsu sun samo asali ne a ɗaruruwan shekaru na tarihin iyali.

Bisa ga abin da na lura da shi, ga alamu guda bakwai da ke nuna kasancewar la'ana a rayuwarka ko ta iyalinka. Idan kana fuskantar ɗaya daga cikin waɗannan, ba zan ce lallai akwai la'ana ba. Amma idan da yawa daga cikinsu sun bayyana a cikin iyalinka, a wurare dabam dabam da kuma cikin tsararraki da yawa, to, za ka iya tabbatar da cewa akwai la'ana. Waɗannan alamu sune kamar haka:

• Rashin hankali da taɓin hankali;
• Ci gaban wata cuta mai tsanani, musamman idan ta gado ce;
• Ci gaba da samun ɓarin ciki ko matsalolin da ke da alaƙa da mata;
• Lalacewar aure da rabuwar iyali, musamman idan akwai su a tarihin iyali;
• Rashin wadatar kuɗi, idan abin yana ci gaba;
• An san ka da "mai samun haɗari" a koyaushe; da kuma,
• Samun tarihin kashe kai cikin iyali ko mutuwa ta wani sanadi.

Ba za mu dinga magana a kan matsalar ba, amma za mu ƙarfafa samun maganin. An maida Yesu la'ana domin mu shiga cikin albarkar.