Albarka ta kowane Sashi
Derek Prince
Published: 2008
Last Updated: September 2026
Read Time: 2
Nassosi sun yi alkawari cewa albarkar Ibrahim tana samuwa ga kowane mai bi, amma mene ne ainihin ma'anar wannan albarka ga rayuwarka? Ka ga yadda alkawarin Allah na yi wa Ibrahim albarka a cikin kowane abu yake samuwa a gare ka yanzu ta wurin bangaskiya ta wurin Ruhu Mai Tsarki.
Ina so in sake komawa a cikin Galatiyawa 3:13–14 domin ina so ka fahimce ta.
"Kristi ya fanso mu daga la'anar nan ta shari'a...domin albarkar nan da aka yi wa Ibrahim ta saukar wa al'ummai ta wurin Kristi Yesu, mu kuma ta hanyar bangaskiya mu sami Ruhun nan da aka yi alƙawari."
Amma mecece "albarkar Ibrahim"? Ba ma buƙatar yin hasashe game da hakan, saboda an bayyana ta musamman a cikin Littafi Mai Tsarki.
"Yanzu Ibrahim ya tsufa; ya kuwa kwana biyu, Ubangiji kuma ya sa wa Ibrahim albarka a cikin abu duka." (Farawa 24:1)
Wannan ayar za ta iya ba ka ra'ayin cewa Ibrahim yana yawo ne a duƙe da sanda, amma abin da ta ce kawai shi ne "ya tsufa." Ba mamaki ba ya yawo da sanda a duƙe, saboda, shekaru da yawa bayan haka, ya yi tafiya mai nisa zuwa Dutsen Moriah ya kuma dawo.
Mecece "albarkar Ibrahim"? An albarkaci Ibrahim "a cikin abu duka," don haka albarkar ta shafi komai. Dangane da wannan, Bulus ya ce dole ne mu karɓi alƙawarin Ruhu ta wurin bangaskiya. Na gaskata wannan na nufin cewa za mu iya karɓar albarkar ne kawai ta wurin karɓar Ruhu Mai Tsarki. Ruhu Mai Tsarki shi ne mai bada dukan gadonmu mai albarka.
*Prayer Response
Na gode maka, Yesu, saboda aikin ka a kan gicciye. Ina furta cewa na karɓi alƙawarin Ruhu Mai Tsarki ta wurin bangaskiya—“albarkar Ibrahim,” wadda ta shafi dukan fannonin rayuwata—domin an maida Yesu la’ana domin in shiga cikin albarkar. Amin.
Zazzagewar Kyauta
Ana samun wannan ibada don saukewa, bugawa da rabawa don amfanin kai ko coci.
Zazzage PDFLambar: WD-B097-123-HAU