Yantuwa daga Kunya

Derek Prince
Published: 2008
Last Updated: September 2026
Read Time: 2
Kunyar da ta samo asali daga raunukan baya tana iya zama kamar wani nauyi ne da za ka dauka har abada, amma ba lallai ba ne ka yi hakan. Koyi yadda Yesu ya dauki mafi munin kaskancinmu a kansa a kan Gicciye domin mu sami ‘yanci na gaskiya.
Kunya wani irin yanayi ne mai muni da damuwa, ana kuma samun ta har a cikin Krista. Sau da yawa sakamako ne na cin zarafi ta wurin jima'i ko cin zarafi, kamar dai yi wa mutum ba'a a makaranta. Na taɓa karanta labarin wani shugaban makaranta wanda ya nuna wani yaro ya ce masa ya tashi tsaye, sannan ya ce wa dukan ajin, "Dukan ku kun ci jarrabawarku banda shi kadai." Me wannan saurayi zai ji in ban da kunya? Yawancin ɗanɗanon da suka faru a lokacin ƙuruciya na iya haifar da kunya. Waɗanda suka faru tun da daɗewa a wani lokacin yana da wahala a kawar dasu. Abin da ya faru a farko galibi yakan zama har ƙarshe.
Wataƙila abin da ya fi bada kunya a cikin wayewarmu na ƙasashen Turai shi ne cin zarafi ta wurin jima'i (har ga masu kiran kansu Krista). Na yi gwagwarnaya da waɗanda suka shiga cikin irin wannan matsalar da yawa. Sai dai idan sun zo wurin gicciye ne kaɗai za su sami 'yantarwa daga wannan kunyar. Wannan furucin annabci ne da ya bayyana abin da Yesu ya yi mana:
"Ubangiji Yahweh ya buɗe kunnena; [Yesu] ban yi tayarwa ba, ban kwa bada baya ba. Na bada bayana ga masu bugu, kumatuna kuma na bayar ga masu tuge gashi, ban ɓoye fuskata daga kunya da zubda miyau ba." (Ishaya 50:5–6)
Yesu ya ce, "Na bada bayana ."Zai iya ceton kan Sa; zai iya kiran rundunan mala'iku goma sha biyu domin su cece shi (dubi Matta 26:53). Amma bai yi ba. Ya bada bayan Sa. Hotunan da muke gani na bulalar Yesu ne wanda ba iri ɗaya suke da abin da muka sani a zahiri ba. Wannan mummunan yanayi ne domin bulalar tana da guntayen ƙarafa ko ƙasusuwa a cikin harsunanta. Lokacin da suka taba jikin mutum, suna cire fatar su fitar da naman jikin. Wannan shi ne abin da Yesu ya daure domin mu. Kuma bai ɓoye fuskarsa ga jin kunya da tofa yawu ba. A kan giciye, Yesu ya ɗauki kunyarmu.
Prayer Response
Na gode maka, Yesu, saboda aikinka a kan gicciye. Ina furta cewa a kan gicciye, Yesu ya 'yantar da ni daga kunya—domin ya ɗauki kunyata don in sami ɗaukakar Sa. Amin.

Zazzagewar Kyauta
Ana samun wannan ibada don saukewa, bugawa da rabawa don amfanin kai ko coci.
Zazzage PDFLambar: WD-B097-134-HAU









