እርሱን እወቁ

ዴሪክ ፕሪንስ ነኝ፤ ከቃሉ ለእናንተ የሚሆን መልዕክት ይዤላችሁ ቀርቤአለሁ።

በመንገድህ ሁሉ እርሱን እወቅ፥ እርሱም ጎዳናህን ያቀናልሃል። ምሳሌ 3:6

እግዚአብሔር መንገዳችሁንና ሕይወታችሁን እንደሚቆጣጠር፣ውሳኔዎቻችሁን እንደሚመራና ምሪት እንደሚሰጣችሁ፣እንዲሁም ችግሮቻችሁን ለመፍታት ዝግጁ እንደሆነ እርግጠኛ መሆን ትፈልጋላችሁን?

እነዚህ ቃላት ለዚያ እርግጠኝነት ቁልፍ ናቸው። “በመንገድህ ሁሉ እርሱን እወቅ” ይህም ማለት ጌታን ነው። በእያንዳንዱ እረፍት፣ በእያንዳንዱ የለውጥ ወቅት፣ በምትችልበት በማንኛውም ጊዜ፣ዘና በሉና ለጥቂት ጊዜ ተንፍሱ፣ እንዲሁም ለአንድ የተወሰነ ውሳኔ አትገደዱም።

እርሱን እወቁ። ለእሱ እውቅና ለመስጠት ከሁሉ የተሻለው መንገድ በቀላሉ እሱን ማመስገን ነው። እሱ በሁኔታዎች ሁሉ ላይ ስልጣን ስላለው አመስግኑት።      ስለ ታማኝነቱ አመስግኑት። ቀደም ሲል ከእሱ ላገኛችሁት እርዳታ ሁሉ አመስግኑት። ስለ ጥበቡ አመስግኑት። ስለ ኃይሉ አመስግኑት። እሱን ስታመሰግኑት፣እውቅና እየሰጣችሁት ነው። በሕይወታችሁና በሁኔታችሁ ላይ እሱ ቁጥጥር እንዲኖረው ማድረጋችሁን ትቀጥላላችሁ። በዚህም መንገድ የእሱን መመሪያና ምሪት ማግኘታችሁን ትቀጥላላችሁ።

በእያንዳንዱ ሁኔታ በአጭር ጸሎት እውቅና ስጡት፤ እንዲህ በማለት፦ “ጌታ ሆይ፣አመሰግንሃለሁ። በዚህ ሁኔታ ላይ ስልጣን ስላለህ አመሰግንሃለሁ። ለዚህ ችግር መፍትሄ ስላለህ አመሰግንሃለሁ። ጌታ ሆይ፣ በእያንዳንዱ እርምጃ እውቅና እሰጥሃለሁ። እያንዳንዱን ጥያቄ ወደ አንተ አመጣለሁ። እያንዳንዱን ውሳኔ ለአንተ አስገዛለሁ። ጌታ ሆይ፣አንተ የበላይ ስለሆንክ አመሰግንሃለሁ። ኃላፊነቱን ለመውሰድ ፈቃደኛ ስለሆንክ አመሰግንሃለሁ።”

በእያንዳንዱ እርምጃ እርሱን በዚህ መልኩ እውቅና ስትሰጡት፣እርሱ በእርግጥ መንገዶችሁን እንደሚመራ እርግጠኛ መሆን ትችላላችሁ።